ZAMBOANGA PENINSULA — Gipahigayon sa Bureau of Fire Protection Regional Office 9 ang usa ka comprehensive examination sa Chemistry of Fire ug Fire Code of the Philippines aron mapalig-on ang kahibalo ug kahusayan sa ilang mga personnel.
Gipunting sa kalihokan ang pag-refresh sa kahibalo sa fire suppression, fire investigation, ug law enforcement, isip kabahin sa padayon nga pagpalambo sa kapasidad sa organisasyon.
Sumala sa BFP, ang maong eksaminasyon gitumong aron masiguro nga ang tanang personnel—operational man o administrative—magpabiling andam ug kompetente sa ilang mga responsibilidad.
Pinaagi niini, gipalig-on sa BFP RO9 ang ilang komitment sa propesyonalismo ug padayon nga pagkat-on alang sa mas epektibong pagpanalipod sa kinabuhi ug kabtangan sa publiko.(JENIFFER JR. DELICA)
Source: Bureau of Fire Protection Region IX