Nagpahigayon ang Liloy District Jail og kampanya batok sa ilegal nga droga ug pagpanghatag og impormasyon sa La Libertad, Gutalac, Zamboanga del Norte isip kabahin sa ilang paningkamot sa pagpalig-on sa komunidad nga walay droga.
Gipangulohan ang kalihokan ni JCINSP Joseph Rey M. Lendio uban kang JO1 Japhet G. Pin, diin gipasiugda ang kahimtang sa kadaut sa ilegal nga droga ug ang kahinungdanon sa kahibalo sa publiko.
Giapil usab sa kalihokan ang pagpanghatag og mga pamplet nga naglangkob sa impormasyon kabahin sa ELCAC aron mas masabtan sa katawhan ang mga programa sa gobyerno alang sa kalinaw ug kalig-on.
Gilauman nga pinaagi niini, mas mapalig-on ang partisipasyon sa komunidad sa pagmintinar sa kalinaw, kahapsay, ug seguridad sa ilang lugar.(JENIFFER JR. DELICA)
Source: Liloy District Jail-BJMPR9