Maabtikon nga miresponde ang Dapitan City Fire Station sa usa ka medikal nga emerhensya sa Barangay Cawa Cawa, Dapitan City niadtong Abril 25, 2026.
Gipangulohan ni Acting City Fire Marshal FSINSP Rommel M. Rojas ang mga personnel sa Shift B nga mi-assess sa 71-anyos nga pasyente nga nakasinati og kalisod sa pagsulti ug paglihok, uban sa kahuyang ug kawalay balanse sa lawas.
Gihatagan dayon og first aid ang pasyente samtang gibantayan ang iyang kahimtang, nga adunay taas nga blood pressure ug normal nga pagginhawa.
Dayon gidala ang pasyente sa Dr. Jose Rizal Memorial Hospital ug gitugyan sa mga medical staff alang sa dugang nga pag-atiman.(JENIFFER JR. DELICA)
Source: BFP R9 Dapitan City Fire Station