Mibisita ang mga opisyal sa Bureau of Jail Management and Penology Zamboanga del Norte sa opisina ni Congressman Adrian “Ian” A. Amatong sa 3rd District niadtong Abril 25, 2026 aron palig-onon ang panagtambayayong alang sa pagpauswag sa mga kulungan.
Gipangulohan ang kalihokan ni OIC Provincial Jail Administrator JSUPT Jennifer A. Adorna, uban kang Assistant Provincial Jail Administrator JSUPT Manuel U. Calibo ug uban pang mga wardens gikan sa Liloy ug Salug District Jail.
Gihisgutan sa maong pagbisita ang mga programa ug inisyatibo nga magpalambo sa operasyon sa kulungan, pagpaayo sa pasilidad, ug pag-atiman sa kaayohan sa mga Persons Deprived of Liberty o PDLs sa distrito.
Gilauman nga pinaagi sa mas lig-ong koordinasyon sa BJMP ug opisina sa kongresista, mas mapauswag ang serbisyo ug mga programa alang sa mga piniriso sa maong lugar.(JENIFFER JR. DELICA)
Source: BJMP IX Provincial Jail Administrator’s Office- Zamboanga del Norte