Naglunsad og firetruck visibility ug pagpanghatag og fire safety leaflets ang mga personahe sa Liloy Fire Station niadtong nilabay nga adlaw isip kabahin sa Oplan Paalala Iwas Paputok 2025.
Gipangulohan ni Acting Municipal Fire Marshal FINSP Dave C. Dela Cruz, ang kalihokan mitabok gikan Barangay Baybay padulong sa Barangay Fatima hangtod Barangay Villa C. Sudiacal, aron pahinumdoman ang mga residente sa kahinungdanon sa kaluwasan batok sunog ilabi na sa panahon sa holiday season.
Pinaagi sa maong aktibidad, gidasig sa Bureau of Fire Protection ang publiko nga magmatngon sa paggamit sa paputok ug mosunod sa mga fire safety tips aron malikayan ang sunog ug masiguro ang luwas ug malinawon nga selebrasyon sa Pasko ug Bag-ong Tuig.(JENIFFER JR. DELICA)
Source: BFP R9 Liloy Fire Station