Nagpahigayon og Stress Debriefing Activity ang Department of Health Zamboanga Peninsula Center for Health Development (DOH ZPCHD) pinaagi sa Non-Communicable Diseases Cluster sa DOH ZPCHD Conference Hall, isip kabahin sa paningkamot sa ahensya sa pagpalig-on sa mental health ug kaayohan sa mga empleyado.
Gipasabot sa maong kalihokan ang mga partisipante sa kahulogan sa mental health, kalainan sa burnout ug depression, ug praktikal nga pamaagi sa self-care. Pinaagi sa interactive nga diskusyon ug self-reflection activities, gidasig ang mga empleyado nga unahon ang ilang kaayohan sa panghunahuna ug magtinabangay sa paghimo og himsog ug suportadong palibot sa trabaho.
Ang maong kalihokan nagpakita sa padayon nga komitment sa DOH ZPCHD sa pagpalambo sa resilience sa mga empleyado ug sa pagtukod og positibo ug responsableng kultura sa trabaho.(JENIFFER JR. DELICA)
Source: DOH Zamboanga Peninsula CHD