Gipanumpa sa Department of Environment and Natural Resources Region Nine ang 42 ka bag-ong gi-appoint ug gi-promote nga mga empleyado sa usa ka oath-taking ceremony nga gipahigayon niadtong Disyembre 22, 2025, sa DENR IX Lobby sa Balintawak, Pagadian City.
Ang panumpa gipangunahan ni Regional Executive Director Arturo E. Fadriquela pinaagi sa online platform ug gisaksihan sa Assistant Regional Directors, mga division chief, Provincial ug Community Environment and Natural Resources Officers, ug uban pang personahe sa DENR IX. Matud ni RED Fadriquela, ang matag appointment ug promosyon nagdala og dakong responsibilidad, integridad, ug tinuod nga pag-alagad sa katawhan.
Sa kinatibuk-an, 21 ka empleyado ang bag-ong gi-appoint samtang 21 usab ang gi-promote. Ang maong seremonya nagpalig-on sa baruganan sa DENR IX sa pagpadayon sa ethical governance, propesyonalismo, ug responsableng pag-alagad alang sa pagpanalipod sa kinaiyahan ug malungtarong kalamboan sa rehiyon.(JENIFFER JR. DELICA)
Source: DENR Zamboanga Peninsula