Nagpundok ang mga partisipante sa JRMSU Covered Courts sa Dakbayan sa Dapitan alang sa LIHOK Webinar Series: Face-to-Face with Mentors isip kabahin sa selebrasyon sa National Arts Month 2026.
Gihatagan og kahibalo ug inspirasyon sa tulo ka mentor gikan sa industriya sa media ug paglalang—si Mr. Jeff Klien nga Industry Partner, si Kalokal Roru Lacquio Rubio II nga Mindanaoan content creator, ug si Mr. Bon Labora nga filmmaker, educator ug animator.
Mitambong ang mga estudyante gikan sa JRMSU ug mga eskwelahan sa DepEd diin nakabaton sila og praktikal nga kahibalo ug tinuod nga kasinatian kabahin sa pag-istorya ug paghimo og digital nga sulod.
Gipahigayon ang kalihokan alas nuebe sa buntag sa JRMSU Covered Courts isip kabahin sa padayon nga pagsaulog sa National Arts Month 2026 sa Dakbayan sa Dapitan.(JENIFFER JR. DELICA)
Source: City Government of Dapitan