Dakpan ang usa ka 44 anyos nga Street Level Individual atol sa gikasa nga buy-bust operation sa mga operatiba sa Zamboanga del Norte Police Drug Enforcement Unit (ZNPDEU), isip lead unit, uban sa koordinasyon sa Dapitan City Police Station,didto sa Barangay Sicayab-Bucana, Dapitan , Zamboanga del Norte,mga alas 12:04 ang takna sa kadlawon hangtod sa ala 1:42 ang takna sa kabuntagon niadtong Pebrero 26,2026.
Ang maong dinakpan naila nga usa ka 44 anyos, lalaki, ulitawo, walay trabaho, ug residente sa Barra, Dipolog City,kinsa gidakop tungod sa paglapas sa Sections 5 ug 11, Article II sa Republic Act 9165 (Comprehensive Dangerous Drugs Act of 2002).
Nakumpiska gikan sa suspek atol sa operasyon mao ang nagkadaiyang heat-sealed transparent plastic sachet sa gituohang shabu nga gibana-banang mutimbang sa kapin o kulang usa ka gramo nga nagkantidad ug Php6,800.00.
Ang nakumpiska nga mga butang sa droga itugyan ngadto sa Zamboanga del Norte Provincial Forensic Unit alang sa inisyal nga pagtimbang ug laboratory examination.
Samtang ang nadakpan nga suspek ipaubos sa drug testing ug kasamtangang anaa sa kustodiya sa pulisya alang sa hustong disposisyon.(MEDALYN U. BORJA)
Source: ZNPPO