Pinaagi sa usa ka courtesy call nga gihimo sa Tactical Operations Group 9 (TOG 9) sa Philippine Air Force (PAF) gikan sa Zamboanga del Sur ngadto sa Zamboanga del Norte – Provincial Information Center (ZN-PI), mas gipalig-on niini ang ilang panag-partner nga nagtumong sa pagpalambo sa civil-military collaboration ug mas epektibong pagpakaylap sa impormasyon ngadto sa publiko.
Gipangulohan ni 1LT Jenina Krisann V. Geronimo, Director for Civil-Military Operations, ang delegasyon sa PAF uban nila SGT Airex B. Malbacias ug Sgt Hashley Cadavedo. Mainitong gidawat sila ni Ms. Rosemarie Patangan-Miranda, Executive Assistant IV ug Officer-in-Charge – Information Officer, nga mipadayag og bug-os nga suporta sa inisyatiba ug gibug-atan ang kahinungdanon sa padayon nga koordinasyon aron mapalig-on ang pagsalig ug kahibalo sa komunidad.
Sa maong panagtagbo, gihisgutan sa duha ka panig ang mga posibleng kolaborasyon aron maseguro ang tukma ug hapsay nga paghatod sa impormasyon bahin sa mga programa, serbisyo, ug kalihokan sa PAF, lakip ang civil-military operations, humanitarian assistance, ug disaster response.
Gipasiugda usab sa PAF ang importante nga papel sa mga information center sama sa ZN-PIC isip tulay tali sa militar ug sa komunidad, samtang ilang gipadayag ang ilang komitment sa transparency, serbisyo publiko, ug pagtagad sa panginahanglan sa katawhan.(IKEN B. GULLEM)
Source: Zamboanga del Norte Provincial News Network