Nagpahigayon og information ug advocacy forum ang Dapitan City Government pinaagi sa City Social Welfare and Development Office aron mapalig-on ang kampanya batok sa gender-based sexual harassment ubos sa Safe Spaces Act.
Gitambongan ang kalihukan sa mga lider sa KALIPI Women Association ug Civil Society Organizations, diin gipasiugda ang responsibilidad sa komunidad sa pagpugong sa harassment sa pampublikong lugar, trabahoan, ug online.
Gipunting sa forum ang kahinungdanon sa kahibalo sa balaod ug aktibong partisipasyon sa komunidad aron maprotektahan ang kababayen-an ug mapalig-on ang respeto sa katilingban.
Sumala sa lokal nga pangagamhanan, ang maong inisyatibo kabahin sa padayon nga paningkamot sa paghatag og luwas nga palibot ug pagpalambo sa kaayohan sa kababayen-an sa Dapitan City.(JENIFFER JR. DELICA)
Source: City Government of Dapitan