Gilunsad sa City Government of Dipolog pinaagi sa City Veterinary Office ang libreng Spaying Program alang sa mga babaeng iring ug iro niadtong Agosto 4–5 sa Livelihood Skills Development and Enhancement Center (LSDEC) sa Barangay Galas.
Gipahigayon ang maong kalihokan sa pakigtambayayong sa Biyaya Animal Care Foundation ug ITL Insurance Agency aron mapalambo ang responsable nga pag-atiman sa mga binuhi ug makontrol ang padayon nga pagsaka sa populasyon sa mga asong ug iring nga walay tag-iya.
Pinaagi sa libreng serbisyo, gilauman nga mas daghang pet owners ang makapa-spay sa ilang mga binuhi, nga makatabang sa pagpugong sa dili planadong pagpanganak ug sa pagkunhod sa gidaghanon sa mga stray animals sa siyudad.
Kini kabahin ang maong programa sa padayon nga paningkamot sa City Government of Dipolog ug sa mga kaabag niini sa pagpalig-on sa animal welfare ug sa pagpatuman sa malungtarong mga programa alang sa kaayohan sa komunidad ug sa mga binuhi.(IKEN B. GULLEM)
Source: Dipolog City Govebrment