DIPOLOG CITY — Nagpahigayon ang City Youth Development Council (CYDC) sa ilang 1st Quarterly Meeting aron hisgutan ang direksyon sa mga programa ug kalihokan alang sa kabatan-onan sa siyudad.
Mitambong sa maong pulong ang nagkalain-laing youth organizations, stakeholders, ug youth leaders nga nagpresentar sa ilang accomplishment reports sa miaging tuig ug naghisgot sa mga plano karong 2026.
Gipasiugda usab ang technical assistance sa pagsumite sa Youth Organizations Registration Program (YORP) reports ug ang pag-apil sa MUGNA Awards alang sa mga outstanding youth initiatives.
Pinaagi niini, gipalig-on sa youth council ang koordinasyon ug kolaborasyon aron mapauswag ang mga programa nga maghatag og dugang oportunidad ug kaayohan sa kabatan-onan sa Dipolog.(JENIFFER JR. DELICA)
Source: Dipolog City Youth Development Office