Nagpalig-on sa ilang panagtambayayong ang Local Government Unit (LGU) sa Salug ug ang Zamboanga del Norte Parole and Probation Office aron mapalambo ang community-based rehabilitation programs alang sa mga probationer, parolee, ug ubang kliyente ubos sa Parole and Probation Administration.
Gidawat ni Municipal Mayor Dr. Ruth M. Brillantes ang delegasyon nga gipangulohan ni Chief Probation and Parole Officer Jason M. Quilo, uban nila Probation and Parole Officer II Jovin Rods P. Gumalam ug Senior Probation and Parole Officer Robelin R. Sampuro.
Atol sa panagtagbo, gihisgutan ang dugang nga koordinasyon ug suporta sa pagpatuman sa mga programa nga nagpunting sa rehabilitasyon ug reintegrasyon sa mga kliyente ngadto sa komunidad.
Ang maong panagtambayayong kabahin sa padayon nga paningkamot sa duha ka ahensya sa paghatag og epektibong serbisyo ug pagpalig-on sa community-based rehabilitation sa lungsod.(IKEN B. GULLEM)
Source: Municipality of Salug