Malampusong nahuman sa Municipal Government of Salug ang upat ka adlaw nga Capacity Building Workshop on Gender Mainstreaming nga gipahigayon gikan Hunyo 23 hangtod 26 aron mapalig-on ang pagpatuman sa gender-responsive governance ug Gender and Development (GAD) programs sa lungsod.
Gitambongan ang culminating program ni Municipal Mayor Dr. Ruth M. Brillantes, kinsa mipadayag sa padayon nga suporta sa lokal nga panggamhanan sa mga inisyatibo nga nagpalambo sa gender equality ug inclusive governance.
Nagserbisyo isip resource speaker si Rosalyn Romo Echem, nga naghatag og mga leksyon ug praktikal nga kahibalo bahin sa gender mainstreaming. Gipasalamatan usab ang GAD Focal Person nga si Irish Abranilla, si Jade Lester L. De Jesus, ug ang GAD staff alang sa ilang pagdumala sa maong kalihokan.
Sumala sa LGU Salug, gilauman nga ang mga kahibalo nga nakuha sa mga partisipante makatabang sa pagpalig-on sa mga programa, polisiya ug serbisyo nga nagtagad sa gender equality sa lungsod.(IKEN B. GULLEM)
Source: Municipality of Salug