Usa ka Firee Road Show ang gipahigayon sa mga personahe sa Sindangan Municipal Fire Station, niadtong Hunyo 26,2026, didto sa Saint Joseph Kinder School of Sindangan, Incorporated.
Ang nasangpit nga aktibidad pinangulohan ni FSINSP FRANCIS CARL T PAULITE, MPA, Acting Municipal Fire Marshal.
Tumong sa maong aktibidad mao ang pagpaila sa mga batan-on nga mga estudyante sa kamahinungdanon sa kaluwasan sa sunog pinaagi sa makalingaw, interactive, ug edukasyonal nga mga diskusyon.
Ang mga bata gitudloan sa batakang mga lakang sa paglikay sa sunog, pagkahibalo sa emerhensya, pagkat-on bahin sa personal protective equipment (PPE) sa mga bombero ug mga gamit sa pag-away sa sunog.
Naghimo kinig kasinatian sa pagkat-on ug mga saktong aksyon nga buhaton kung adunay suno nga makalingaw ug dili makalimtan.
Pabilin ang pasalig sa Sindangan Municipal Fire Station sa pagpasiugda sa fire safety awareness ug pagtukod ug kultura sa pagpangandam alang sa padayon nga pakiglambigit sa komunidad ug publikong edukasyon ngadto sa mga kabatan-onan.(MEDALYN U. BORJA)
Source: BFPR9 SINDANGAN MUNICIPAL FIRE STATION v2