Nagpadayon ang paghatag og Local Financial Assistance alang sa Persons with Disability (PWD) sa lokal nga kagamhanan niadtong Disyembre 23, 2025, nga nagtumong sa paghatag og pinansyal nga suporta sa mga benepisyaryo aron mapalambo ang inklusibidad, dignidad, ug patas nga kahigayunan sa komunidad.
Sumala sa lokal nga opisina, dako ang natabang sa maong programa sa pag-atubang sa panginahanglan sa mga PWD, ilabi na sa adlaw-adlaw nga gastuhan. Kini nga inisyatiba nagpakita sa padayon nga paningkamot sa LGU sa pag-atiman sa sektor nga nanginahanglan og dugang nga suporta.
Gipasalamatan usab sa lokal nga kagamhanan si Mayor Ismael Rengquijo tungod sa iyang walay hunong nga suporta ug paningkamot alang sa kaayohan sa mga persons with disability.
Gihatagan usab og pag-ila si MSWDO Head Mr. Alfeo Del Rosario Bubutan tungod sa iyang liderato ug aktibong pagdumala aron masiguro nga ang tabang makaabot sa hustong mga benepisyaryo.
Pinaagi sa hiniusang paningkamot, padayon ang LGU sa pagtukod og mas maluluy-on ug mas inklusibong komunidad alang sa tanan.(IKEN B. GULLEM)
Source: Roxas Zambonorte