Nagpahigayon og refresher training ang mga personnel sa Bureau of Fire Protection (BFP) Katipunan ubos sa pagpangulo ni FINSP Richard A. Parame isip pagpangandam sa ilang pag-apil sa Taguro Challenge 2026 karong Hulyo.
Gidisenyo ang maong pagbansay aron mapalig-on ang kahibalo, kahanas, pisikal nga kahimtang ug teamwork sa mga bombero sa nagkalainlaing rescue ug firefighting operations nga ilang atubangon sa kompetisyon ug sa aktuwal nga pagresponde sa emerhensiya.
Pinaagi sa padayon nga realistic drills ug practical exercises, gipahait sa mga personnel ang ilang kahandam aron masiguro ang paspas, episyente ug propesyonal nga paghatag og serbisyo sa panahon sa mga insidente.
Matud sa BFP Katipunan, ang maong refresher training nagpakita sa ilang padayon nga paningkamot sa pagpalig-on sa kahandam ug kahusayan sa pagpanalipod sa kinabuhi, kabtangan ug kaluwasan sa komunidad.(JENIFFER JR. DELICA)
Source: BFP R9 Katipunan Fire Station
Sent from Outlook for Android