Naglunsad ang lokal nga kagamhanan sa Piñan ubos sa pagdumala ni Mayor Rommel Gudmalin og limpyo-bayang kalihokan ug tree growing activity niadtong Disyembre 12, 2025, sa Barangay Upper Gumay ilalom sa tema nga: “One Earth, One Mission: Clean Rivers, Grow Trees.”
Naghiusa ang LGU personnel, Bureau of Fire Protection, 97th Infantry Battalion, mga magtutudlo ug estudyante sa Upper Gumay, LGBTQIA+ PATRISHA, Barangay Officials, ug PNP Piñan MPS sa pagtinabangay isip suporta sa kalikupan.
Nagpadayon ang munisipyo sa pagpasiugda sa pag-atiman sa kinaiyahan ug aktibong partisipasyon sa komunidad aron mapaabot ang mas limpyo, hayahay, ug mas himsog nga kahimtang sa palibot.(JENIFFER JR. DELICA)
Source/Photo Courtesy: Mayor Rommel Gudmalin