Nihatag ang Department of Social Welfare and Development (DSWD) og financial assistance pinaagi sa AKAP o Ayuda para sa Kapos ang Kita program ngadto sa 77 ka kwalipikadong Persons Deprived of Liberty (PDL) sa Siocon District Jail.
Gipangulohan ang distribusyon ubos sa supervision ni JSINSP Achmed Aziz A. Pia, Acting Jail Warden, ug gisugdan ang pagproseso aron masiguro ang husto ug transparent nga pagdawat sa ayuda sa mga benepisyaryo. Gituohan nga ang pinansyal nga tabang makatabang sa panginahanglanong personal ug pamilya sa mga PDL samtang anaa pa sila sa pasilidad.
Gipahimangno sa jail management nga padayon nilang suportahan ang mga inisyatibo sa gobyerno alang sa welfare sa PDL ug ang pagpatuman sa mga programa nga nagpalig-on sa social assistance sulod sa bilanggoan.(JENIFFER JR. DELICA)
Source/Photo Courtesy: Siocon District Jail