Gisugdan niadtong Disyembre 11, 2025 ang ₱30,000,000.00 nga proyekto alang sa pag-ayo sa Farm-to-Market Road gikan sa Brgy. Mandih paingon ngadto sa Brgy. Benigno Aquino. Ang seremonya gipangulohan ni Sindangan Mayor Glona G. Labadlabad kauban si Vice Mayor Nilo Boy Sy ug pipila ka mga konsehal.
Si Congw. Irene “Ate Ai” Labadlabad mipadayag sa iyang suporta ug pagdayeg sa proyekto, samtang ang DTI-Region IX ubos sa liderato ni Regional Director Engr. Al-Zamir I. Lipae aktibong mitambong ug mipahatud sa mensahe alang sa mga residente sa Mandih ug Benigno Aquino. Ang duha ka barangay captain, Hon. Fabillar ug Hon. Paculanang, nagpasalamat usab sa mga nagpaluyo sa proyekto tungod sa dakong tabang niini sa mga mag-uuma.
Matod pa ni Mayor Glona, ang LGU Sindangan kanunayng andam ug aktibo sa pagpasiugda sa mga proyekto nga makahatag ug direkta ug dakong benepisyo sa katawhan. Ang proyekto usa ka timaan sa tinuod nga gobyerno nga para sa katawhan ug alang sa katawhan.(JENIFFER JR. DELICA)
Source/Photo Courtesy: Local Government Unit of Sindangan