Nakiisa ang Lokal nga Panggamhanan sa Gutalac sa tradisyonal nga ritwal sa mga Subanen nga gipahigayon sa Gutalac National High School isip pagpasidungog sa ilang kultura, tradisyon ug espirituhanong pagtuo.
Gipangulohan ni Mayor Eddie Justin T. Quimbo uban ni Vice Mayor Aljohn Garzon ang pag-apil sa maong kalihokan, diin gihalad ang pagkaon, ilimnon ug mga pag-ampo subay sa tradisyon sa mga Subanen aron pagpasidungog sa mga nanglabay ug sa ilang espirituhanong pamaagi.
Gipasiugda sa lokal nga panggamhanan ang kamahinungdanon sa pagrespeto ug pagpreserbar sa kultura ug panulondon sa mga Indigenous Peoples isip kabahin sa pagpalig-on sa identidad ug kasaysayan sa komunidad.
Pinaagi sa maong inisyatiba, gipadayag sa LGU Gutalac ang padayon nga suporta sa mga programa nga nagpanalipod ug nagpasidungog sa kultura ug tradisyon sa mga Subanen.(JENIFFER JR. DELICA)
Source: LGU Gutalac- Public Information