Daling girespondehan sa Kalawit Emergency Medical Services ang usa ka 64-anyos nga lalaki nga napaakan og bitin sa Barangay Daniel Maing, Kalawit, Zamboanga del Norte alas 5:05 sa hapon niadtong Hulyo 18.
Pag-abot sa EMS personnel, ilang gi-assess ang kahimtang sa pasyente, gisusi ang iyang vital signs, ug gihatagan dayon siya og first aid. Nasuta usab sa responders ang samad nga hinungdan sa pinaakan sa bitin.
Human sa inisyal nga pag-atiman, luwas nga gidala ang pasyente sa pinakaduol nga ospital aron madawat ang dugang nga medikal nga pagtambal.(JENIFFER JR. DELICA)
Source: BFP R9 Kalawit Fire Station