Ta intensifica el govierno local de Zamboanga, el preparacion para na venedero KALASAG ZAMBOANGA Inter-Agency Territorial Defense Operations Exercise pormedio convene un coordinacion junta, junto con el Task Force Zamboanga y varios socio agencias de govierno.
El junta (meeting), ya conduci na cuarto de conferencia del ayuntamiento (city hall), ya lleva junto con el representantes del maga oficina ya participa para tiene sincronizao plano y asegura cay todos agencia comparti claro entendimiento sobre el objetivos y implementacion del ejercicio
Durante el sesion, el Task Force Zamboanga ya presenta un descripcion general (overview) aserca el plano del actividad, inclujido el objeto, scenario de operacion, schedule del event, y designao responsibilidad del cada uno agencia que participa.
Ya discuti tambien aserca el concentrada na procedimiento de coordinacion y protocol de comunicacion para tiene in liso ejecucion del ejercicio.
Ademas, el lomismo aspecto interesante del oficiales amo segun tiene profundo colaboracion y sin costura coordinacion entre el maga agencias de govierno las esencial na mejorada capacidad del ciudad na efectivo respondida por potencial amenazo na seguridad y emergencias.
Antes a todo, el ejercicio del KALASAG ZAMBOANGA ta reflecta el ambos socio del govierno local de Zamboanga, Task Force Zamboanga, y otros pa partes interesadas para el fortalecimiento preparacion na defensa territorial y incitacion de un sano y salvo y mas resiliente ciudad de Zamboanga. (Keith Luna)