Ubos sa liderato ni Municipal Mayor Eddie Justin Quimbo, malampusong gipangulohan sa Local Government Unit sa Gutalac pinaagi sa Municipal Agriculture Office ang paghatag og claim stubs sa 382 ka benepisyaryo sa Rice Competitive Enhancement Fund–Rice Farmers Financial Assistance niadtong Disyembre 27, 2025. Tumong sa programa nga mapalig-on ang pinansyal nga kahimtangan sa lokal nga mga mag-uuma.
Sa iyang mubo nga mensahe, gipasiugda ni Mayor Quimbo ang dakong papel sa mga mag-uuma sa adlaw-adlaw nga kinabuhi sa matag Gutalacnon. Matod niya, ang kakugi ug paningkamot sa mga farmers mao ang nagasuporta sa pagkaon ug nagahatag og lig-on nga pundasyon sa kalamboan sa komunidad.
Nagpasalamat usab ang mayor sa padayon nga pagsuporta sa mga mag-uuma sa iyang administrasyon, ug nanawagan og panaghiusa sa pag-alsa sa kinabuhi sa matag Gutalacnon. Sumala kaniya, ang tinuod nga kalamboan magsugod ug motubo pinaagi sa kusgan ug gisuportahang sektor sa agrikultura.(JENIFFER JR. DELICA)
Source: LGU Gutalac- Public Information