DAVAO CITY – Ang Davao City Police Office (DCPO), nga gipangulohan ni Acting City Director PCOL Mannan C. Muarip, mipahigayon sa Pamaskong Handog Alay sa Kabataan Year 9 didto sa Sitio Salang, Brgy. Malabog, Paquibato District, Davao City. Ang kalihokan, nga may tema “Pasko ng Pag-asa. Serbisyong may Puso, Tapat at Nararamdaman,” mainiton nga gidawat ni Tribal Chieftain Datu Ricardo Guluman ug ni Purok Leader Romy Guluman.
Gibug-aton ni PCOL Muarip ang kahinungdanon sa pagpaambit sa kaayo ug pagpasalamat. Kapin sa 100 ka mga bata ang nakadawat og food packs, gamit sa eskwelahan, tsinelas, ug mga dulaan, nga naghatag og paglaum ug kalipay sa kapaskuhan.
Sumala ni muarip nha Ang Pasko panahon sa paghatag ug pagpaambit sa paglaum.
Dugang niini nga ang DCPO andam ug mapasaligon sa pag-alagad nga may kalooy ug pagseguro nga ang among mga komunidad makasinati og kalinaw, kalipay, ug panaghiusa.(Camille Santos Naraga)(Source: Contributed)