Gipalig-on sa Department of Agrarian Reform (DAR) ang Marcelo Agrarian Reform Beneficiaries Multipurpose Cooperative (ARBEMCO) pinaagi sa usa ka coordination meeting alang sa ilang umaabot nga General Assembly.
Gipangunahan ni PARPO II Daisy Dell Suan Digamon ang panagtigom nga nagtutok sa pag-organisa sa agenda, pagreview sa membership ug pinansyal nga kahimtang, ug pagsiguro sa hapsay nga dagan sa kalihokan.
Gihisgutan usab ang mga hagit nga giatubang sa kooperatiba ug ang mga oportunidad alang sa dugang nga kalamboan pinaagi sa mga posibleng proyekto ug suporta sa DAR.
Ang maong lakang nagpakita sa padayon nga paningkamot sa DAR sa pagpalig-on sa kapasidad sa mga kooperatiba isip haligi sa pag-uswag sa komunidad.(JENIFFER JR. DELICA)
Source: DAR Zamboanga del Norte Province