Opisyal nga giturn over sa Lokal nga kagamhanan sa Gutalac, ubos sa pagpanguna ni Municipal Mayor Eddie Justin Quimbo, ang Drum og Lyre Band instrument sets ngadto sa Gutalac National High School lakip ang Mamawan Annex ug Canuto Enerio National High School niadtong nilabay nga adlaw.
Gipondohan ang maong kalihukan pinaagi sa Special Education Fund Calendar Year 2025, isip suporta sa pagpalambo sa mga talento sa kabatan-onan, ilabi na sa musika ug disiplina nga natun-an pinaagi sa mga band activities, gawas sa akademikong kahusayan.
Pinaagi niini, gipakita sa LGU Gutalac ang padayon nga paningkamot sa paghatag bili sa edukasyon ug sa kabatan-onan, isip puhunan sa kaugmaon sa lungsod.(JENIFFER JR. DELICA)