Miapil ang Dapitan City Fire Station sa Fun Run nga gipasiugdahan sa Sangguniang Kabataan sa Barangay Talisay niadtong Enero 11, 2026, isip kabahin sa programa nga nagpalig-on sa kahimsog, panaghiusa, ug espiritu sa komunidad, ubos sa pamuno ni FSINSP Rommel M. Rojas, REE, Acting City Fire Marshal.
Gibutang usab ang mga personahi sa Bureau of Fire Protection isip standby medical responders aron masiguro ang paspas nga tabang medikal ug kaluwasan sa tanang miapil sa kalihukan, nga nagpakita sa ilang papel dili lang sa pagbatok sa sunog kondili usab sa serbisyo sa katawhan.
Nagpasalamat ang Dapitan City Fire Station kang Hon. Cesar Ian B. Abila, SK Chairperson sa Barangay Talisay, sa imbitasyon ug maayong panagtambayayong, nga samot nagpalig-on sa relasyon tali sa Bureau of Fire Protection ug sa komunidad nga ilang gialagaran.(JENIFFER JR. DELICA)
Source: BFP R9 Dapitan City Fire Station