Nagpahigayon og school visitation ug dialogue ang 1st Zamboanga del Norte Provincial Mobile Force Company, ubos sa pagdumala ni Police Lieutenant Colonel Ryan Jay R. Capurcos, Force Commander, pinaagi sa 3rd Forward Operating Base Platoon, sa Macleodes Elementary School, Barangay Macleodes.
Gipunting sa kalihukan ang Republic Act 10627 o Anti-Bullying Act, diin gihatagan og kahibalo ug pahimangno ang mga magtutudlo mahitungod sa papel sa eskwelahan sa pagpanalipod sa mga estudyante batok sa bullying ug ubang porma sa pang-abuso. Gituki usab ang importansya sa hustong pagreport, pagdumala sa mga insidente, ug kooperasyon tali sa eskwelahan ug kapulisan.
Pinaagi sa maong kalihukan, gipakita sa 1st ZNPMFC ang ilang padayong paningkamot sa pagpasiugda sa kaluwasan sa kabatan-onan ug pagpalig-on sa panaghiusa tali sa law enforcement ug edukasyon aron mapadayon ang malinaw ug luwas nga komunidad.(JENIFFER JR. DELICA)
Source: Zamboanga del Norte 1st Mobile Force Company