Gipadayag sa Lokal nga Kagamhanan sa Gutalac ubos sa liderato ni Municipal Mayor Eddie Justin Quimbo ang lig-on nga suporta niini sa mga delegado sa Provincial Sports Meet ug Girl Scouts of the Philippines, pinaagi sa paghatag og pinansyal nga tabang gikan sa Special Education Fund (SEF).
Sumala sa LGU, ang tabang usa ka pamatuod sa ilang padayong pagbarug uban sa kabatan-onan, ilabi na sa pagpalambo sa talento, kahanas, ug leadership potential sa mga estudyante nga nagrepresentar sa lungsod sa probinsyal nga lebel.
Pinaagi niini nga programa, gipadayag ni Mayor Quimbo ang iyang lig-on nga komitment sa pagsuporta sa edukasyon ug sa holistic development sa Gutalacnon learners. Ang LGU nagtuo nga ang maong mga inisyatiba makatabang sa paghatag og mas lapad nga oportunidad sa kabatan-onan aron molampos sa akademiko ug extracurricular nga mga kalihokan.(IKEN B. GULLEM)
Source: LGU GUTALAC-PUBLIC INFORMATION