Mihatag og pinansyal nga tabang ang Local Government Unit sa Gutalac ubos sa pagpanguna ni Municipal Mayor Eddie Justin Quimbo sa mga student delegates gikan sa Gutalac National High School, Gutalac Senior High School, ug San Juan National High School nga mitambong sa bag-ohay lang nahuman nga Division Schools Press Conference.
Ang maong suporta nagpakita sa lig-on nga panindugan sa LGU sa pagpalig-on sa edukasyon ug paghatag gahum sa kabatan-onan, ilabina sa mga student journalists nga adunay dakong papel sa paghulma sa husto, responsableng, ug aktibong mga mamamayan.
Matod pa sa LGU Gutalac, ang maong kalampusan sa mga estudyante nagpamatuod sa talento ug kakayahan sa mga Gutalacnon nga makigkompetensya sa mas halapad nga lebel, ug nagpakita usab sa padayon nga paningkamot ni Mayor Eddie Justin Quimbo sa pag-amuma sa kahusayan ug kalidad nga serbisyo alang sa tanang Gutalacnon.(JENIFFER JR. DELICA)
Source: LGU Gutalac- Public Information