Mipadayon ang Philippine Statistics Authority Zamboanga del Norte sa house-to-house registration aron masiguro nga marehistro sa National ID System ang mga senior citizen nga bedridden o dili na makatindog sa ilang higdaanan og dili na makagawas sa ilang panimalay.
Ang maong inisyatiba nagtumong sa paghatag og patas ug inklusibong serbisyo, aron ang mga tigulang nga adunay kahimtangan sa panglawas makabenepisyo gihapon sa programa ug makadawat og opisyal nga proof of identity.
Ang kalihokan gipahigayon subay sa Republic Act 11055 o Philippine Identification System Act, nga nagmando nga ang tanang Pilipino hatagan og kasaligan ug seguradong pamaagi sa pag-ila pinaagi sa National ID.(JENIFFER JR. DELICA)