Mipatuman dayon ug askyon ang lokal nga pangagamhan sa Gutalac, ubos sa liderato ni Mayor Eddie Justin Quimbo, alang sa hangyo ni Punong Barangay Oscar Galope sa BLGU Lux, sa pagputol sa usa ka patay nga punong-kahoy nga nagsugod na ug hulga sa katawhan.
Gikabalak-an nga ang maong kahoy mahimong matumba tungod sa padayon nga kusog nga ulan sa lungsod, nga makahatag ug peligro sa kaluwasan sa mga Gutalacnon.
Gipasalamatan usab ni Mayor Justin ang tabang sa ZANECO Liloy, kay ang posible nga pagkahulog sa kahoy makaguba unta sa linya sa kuryente sa lugar.
Ang hinabangay nga aksyon sa LGU, BLGU, ug ZANECO nakapadugang sa pagpanalipod sa publiko ug nakasuporta sa padayon nga paghatag ug Excellent Just Quality Service alang sa tanan nga Gutalacnon.(IKEN B. GULLEM)
SOURCE: LGU GUTALAC-PUBLIC INFORMATION