Duha ka gatos ug baynte ang displaced ug disadvantaged workers sa Dapitan City ang makadawat ug hinabang pinaagi sa Tulong Panghanapbuhay sa Ating Disadvnateged/Displaced Workers (TUPAD) emergency employment program nga gitumong sa pagtabang sa mga apektado sa kalisod ekonomiya ug makusog nga panahon.
Ang inisyatiba gisalmotan ug gisuportahan ni Governor Darel Dexter T. Uy, 1st District Congressman Roberto “Pinpin” Uy, Jr., ug Mayor Evelyn “Belen” T. Uy aron matabangan ang mga residente nga nakaagi ug lisod tungod sa bag-ong mga hulga sa panginabuhi.
Ang mga benepisyaryo mosalmot sa 10 ka adlaw nga emergency employment nga maghatag kanila ug temporaryong kita ug suporta sa panginabuhi. Ang orientation ug pagproseso sa requirements gihimo sa DOLE TUPAD coordinators sa Lobby sa Government Center.
Pinagi sa PESO, gipasiguro sa City Government of Dapitan ang padayong suporta sa mga kabus ug delikadong trabahante, ug ang tinguha sa pagpadasig sa kalig-on ug kaandam sa komunidad.(IKEN B. GULLEM)
Source: City Government of Dapitan