Gihiusa sa Local Government Unit (LGU) sa Gutalac ang mga programa alang sa kabataan, kababayen-an ug panglawas pinaagi sa malampusong pagpahigayon sa 2nd Quarter Joint Meeting sa Municipal Council for the Protection of Children (MCPC), Municipal Committee Against Trafficking and Violence Against Women and their Children (MCAT-VAWC), ug Municipal Nutrition Committee (MNC).
Gitimbang sa mga miyembrong ahensya ang mga nahimo nga programa, gituki ang kasamtangang mga hagit, ug gipalig-on ang koordinasyon aron mas mapauswag ang child protection, kampanya batok sa human trafficking ug VAWC, ingon man ang mga inisyatibo sa nutrisyon sa lungsod.
Sumala sa LGU, nagpakita ang aktibong partisipasyon sa mga stakeholders sa lig-on nga panaghiusa aron mas mapalapdan ang kalidad sa serbisyo alang sa katawhan.
Ubos sa liderato ni Mayor Eddie Justin T. Quimbo, padayon nga gipalig-on sa LGU Gutalac ang mga polisiya ug programa nga nagtumong sa pagpanalipod sa kabataan ug kababayen-an, samtang gipauswag usab ang kahimsog ug kaayohan sa matag Gutalacnon.(JENIFFER JR. DELICA)
Source: LGU Gutalac- Public Information