Daling mitubag ang mga sakop sa Bureau of Fire Protection (BFP) Salug sa usa ka emergency medical response sa Poblacion East niadtong Hunyo 26, diin ilang gitabangan ang usa ka pasyente nga nakasinati og pagkalipong ug kalisod sa pagginhawa.
Sa ilang pag-abot, nakaplagan sa responders nga conscious ug responsive ang pasyente, nga adunay kasaysayan sa stroke. Gipahigayon dayon ang inisyal nga assessment ug gikuhaan kini og vital signs aron matimbang ang kahimtang.
Gihatagan sa pamilya ang pasyente sa iyang maintenance medicine nga Captopril, ug nagpabiling stable ang iyang kondisyon. Bisan pa sa tambag sa responders, mibalibad ang pasyente nga madala sa labing duol nga pasilidad medikal.
Gitambagan sa BFP ang pasyente nga mopahulay ug magpakonsulta dayon kon mosamot o magpadayon ang iyang mga sintomas. Ang insidente nagpasiugda sa padayon nga kaandam sa BFP sa paghatag og dali ug episyenteng emergency medical assistance sa komunidad.(JENIFFER JR. DELICA)
Source: Salug Bfp