Gidala sa Local Government Unit sa Salug ang nagkalain-laing serbisyo ngadto sa mga residente sa Barangay Bacong pinaagi sa Serbisyo Caravan niadtong Hunyo 26.
Lakip sa mga gipahigayon ang Benteng Bigas Program nga nagbaligya og barato nga bugas, Yakap Konsulta Caravan nga naghatag og libreng serbisyong medikal, ug Feeding Program aron mapalambo ang nutrisyon sa mga lumulopyo.
Naghatag usab ang Municipal Agriculture Office og libreng binhi alang sa mga mag-uuma, samtang libre nga serbisyo sa civil registration ang gidala sa Municipal Civil Registrar’s Office ngadto sa komunidad.
Sumala sa LGU Salug, ang kalihokan kabahin sa ilang paningkamot nga madala ang batakang serbisyo sa mga barangay ug matubag ang panginahanglan sa katawhan pinaagi sa mas duol ug mas episyenteng pag-alagad.(JENIFFER JR. DELICA)
Source: Municipality of SALUG