Nakab-ot sa Employee’s Association sa Lgu Dapitan ang Rank-8 nga pwesto, diin 34 ka ahensiya sa Gobyerno ning Probinsiya, ang misalmot sa Inter-Government Agency Sportsfest 2025, diin ang nasangpit nga kalampusan, gi-anunsiyo, atol sa gipahigayon nga Monday Flag Raising, didto atubangan sa Dapitan City Government Center, kagahapong adlawa, Setyembre 15, 2025.
Gipangunahan mismo sa Mayor sa Dapitan City, pinaagi ni Mayor Evelyn T. Uy, ang Tradisyonal nga Flag Raising Ceremony, nga gitambungan sa mga Empleyado sa nagkadaiyang mga Local Government Unit sa nahisgutang Syudad, diin atubangan sa mga mitambong sa maong Programa, mapasegarbuhong gi- anunsiyo sa Presidente sa Lgu Dapitan Employee’s Association, pinaagi ni Rizza D. Page, nga sa 34 ka mga nagkadaiyang ahensiya sa Lokal nga Pangagamhanan, nga sakop ning Probinsiya sa Zamboanga Del Norte, nga misalmot sa Sportsfest 2025, nga bag-ohay palang natapos niadtong nakalabay nga semana, nakab-ot nila ang pwesto, nga Ika-8 sa Ranking.
Nasayaran nakuha sa Lgu Dapitan ang Kampyonato sa Men’s Category, sa dula nga Lawn Tennis, samtang nakuha usab niini ang First ngadto sa Third Place sa nagkadaiyang dula, nga ilang gisalmotan, diin matud pa, mao kini ang hinungdan, nga ilang nakab-ot ang Rank-8 nga pwesto.(Julius Esmade)
Source: CITY GOVERNMENT OF DAPITAN