Mopahigayon og On-Site Registration atubangan sa Dapitan City Government Center, alang sa Dipolog City Marathon 2025, karong umalabot nga adlaw’ng Huwebes, Petsa 18, ning Bulan sa Setyembre, ning Tuig 2025, sa may alas 4:00 ngadto na sa alas 7:00 ang takna sa gabie.
Matud pa, nga ang maong Dipolog Marathon 2025, ipahigayon sa dakbayan sa Dipolog, ning Probinsiya sa Zamboanga Del Norte, partikular sa Sunset Boulevard, sa mismong Dipolog Food Hub and Event Center , karong umalabot nga adlaw’ng Biyernes, Petsa 19, ning maong Bulan ug Tuig, nga nabahin sa Upat ka Kategoriya, nga gilangkuban sa 42Km. 21Km. 10Km. ug 5Km. nga Lumba og dagan.
Gi-awhagan ang mga gustong masalmot sa nasangpit nga Marathon, nga sa inyong pagpa-Rehistro, inyo ng ibutyag kon unsa nga Kategoriya kamo mo-apil, tungod kay sa matag Kategoriya, managlahi ang Registration Fee niini.
Nasayran nga ang sa 42Km. ana sa Php2,500.00 ang Registration Fee, samtang ang sa 21Km. Php2,000.00 ang Registration Fee, maingon man Php1,500.00 ang sa 10Km. ug ang alang sa 5Km. ana lamang sa Php1,000.00.
Dugang pa niini, nga ang matag Kategoriya, adunay managlahi nga Inclusions, diin ang sa 42Km. aduna siyay madawat nga Event Shirt, Event Singlet, Finisher’s Shirt, Finisher’s Medal, Finisher’s Towel, Race Bib with Timing Chip, Drawstring Bag ug Post Race Meal, samtang ang sa 21Km nga Kategoriya, madawat usab niini ang Event Shirt, Event Singlet, Finisher’s Shirt, Finisher’s Medal, Finisher’s Towel, Race Bib with Timing Chip, Drawstring Bag Ug Post Race Meal, maingon man, ang alang sa 10Km. Category, madawat usab niini ang Event Shirt, Finisher’s Shirt, Finisher’s Medal, Race Bib with timing Chip, Drawstring Bag Ug Post Race Snacks, ug ang alang sa 5Km. Category, madawat niini ang Event Shirt, Finisher’s Shirt, Finisher’s Medal, Race Bib with Timing Chip, Drawstring Bag ug Post Race Snacks.(Julius Esmade)
Source: CITY GOVERNMENT OF DAPITAN