Gisingkamotan sa mga personahe sa Dapitan City Police Station (DCPS), nga mapahigayon sa kabarangayan ang Programa nga Awareness Campaign, diin kini didto gipahigayon sa Barangay Guimputlan, Dapitan City, Zamboanga Del Norte, niadtong nakalabay’ng adlaw, Setyembre 14, 2025, sa may alas 9:00 ang takna sa buntag.
Ang nasangpit nga aktibidad, gipangunahan ni Pcms. Marwin Cimafranca, ang CCAD sa maong estasyon, ubos sa Superbisyon ni Pltcol. Eva Joy E Capurcos, ang Officer-In-Charge sa Dapitan City Police Station (DCPS), diin malampuson niining napahigayon ang programang Barangay Visitation, ug ang pagpang-apod-apod og mga Information, Education, and Communication (IEC) material’s, ngadto sa mga katawhan sa nahisgutang Barangay, diin ang naasoy nga mga basahon, kabahin sa pipila ka balaod ning atong Nasud, nga maoy kasagarang nahitabo, aron malikayan sa mga katawhan nga mabiktima niini, o makabuhat sa pagsupak niini.
Tumong sa nasangpit nga Programa, aron makita sa mga katawhan sa matag Barangay sa Dapitan, nga seryoso ang mga kapulisan sa ilang kampanya, alang sa Kahapsay ug Kalinaw, aron usab ma mugna niini ang maayong relasyon tali sa mga awtoridad, ug Komonidad.(Julius Esmade)