SALUG, Zamboanga del Norte — Gipatuman sa Salug Municipal Police Station ang mas lig-on nga police presence sa Barangay Lipakan ubos sa pagpangulo ni Police Major Alexie A. Palisoc, Assistant Chief of Police, isip kabahin sa padayong paningkamot sa pagmintinar sa kalinaw ug kahusay sa komunidad.
Ang inisyatiba gipahigayon sa kooperasyon sa Bantay-Dagat sa Lokal nga Gobyerno sa Salug, 2nd Zamboanga del Norte Provincial Mobile Force Company, ug 97th Infantry Battalion sa Philippine Army, aron mapalig-on ang visibility sa mga otoridad sa maong lugar.
Pinaagi niini, gilauman nga mapreserbar ang kalinaw, seguridad, ug kahusay sa publiko, samtang mapalig-on ang pagsalig sa katawhan ug malikayan ang posibleng kriminalidad sa barangay.(JENIFFER JR. DELJCA)
Source: SALUG Municipal Police Station