Nakadawat og libreng legal nga konsultasyon ug tambag ang mga residente sa Gutalac, Zamboanga del Norte, human sa malampusong pagpahigayon og Legal Aid Caravan ug Information Drive niadtong Marso 7, 2026.
Tumong niini sa pagdala sa batakang legal nga serbisyo ug impormasyon diretso sa komunidad aron matabangan ang mga residente sa pagsabot sa ilang mga katungod ug pagresolba sa ilang mga legal nga kabalaka.
Ang programa gipahigayon sa Local Government Unit of Gutalac ubos sa liderato ni Eddie Justin T. Quimbo, sa pakigtambayayong sa Integrated Bar of the Philippines nga nagpadala og mga abogado aron mohatag og libreng legal nga serbisyo sa publiko.
Sa maong caravan, nakahigayon ang mga Gutalacnon nga
mangutana direkta sa mga abogado bahin sa nagkalain-laing legal nga isyu ug makadawat og giya kung unsaon pag-atubang sa ilang mga kaso o problema.(IKEN B. GULLEM)
Source: LGU GUTALAC-PUBLIC INFORMATION