Gipahibalo sa Local Government Unit sa Gutalac nga magpahigayon kini og Legal Aid Caravan ug Information Drive aron mahatagan og libre nga legal konsultasyon ug impormasyon ang mga residente sa lungsod.
Ang maong kalihokan ipahigayon karong Marso 7, 2026, alas 9:00 sa buntag sa Municipal Lobby sa Gutalac pinaagi sa panag-uban sa LGU ubos sa liderato ni Mayor Eddie Justin Quimbo ug sa Integrated Bar of the Philippines Zamboanga del Norte Chapter.
Tumong sa maong inisyatiba nga mapaduol sa katawhan ang legal nga serbisyo, ilabi na sa mga residente nga nanginahanglan og tambag o giya bahin sa ilang mga legal nga pangutana ug kabalaka.
Giawhag sa lokal nga kagamhanan ang tanang residente sa Gutalac nga motambong ug mopahimulos sa maong serbisyo.(IKEN B. GULLEM)
Source: LGU GUTALAC-PUBLIC INFORMATION