Gibansay ang mga Barangay Health Workers (BHWs) sa Barangay Dumalogdog, Sindangan sa usa ka Tuberculosis Capacity Building Seminar aron mapalambo ang ilang kahibalo sa TB awareness ug mapadasig ang hustong pagpakonsulta sa mga residente sa komunidad.
Gipahigayon ang kalihokan sa Health Education and Promotion Office (HEPO) sa Rural Health Unit sa Sindangan pinaagi ni Marlou Joseph P. Magtajas.
Gipangunahan ang seminar ni Joseph Maglangit gikan sa Ateneo de Zamboanga University School of Medicine isip kabahin sa iyang research study nga nagtan-aw sa epekto sa lecture ug testimonial-based TB awareness program sa kahibalo ug health-seeking behavior sa mga residente sa Barangay Dumalogdog.
Sa maong pagbansay, gipalalom ang kahibalo sa mga BHWs sa pag-ila sa mga sintomas sa tuberculosis, pag-edukar sa komunidad, ug pag-awhag sa mga residente nga mangayo dayon og medikal nga tabang kon adunay timailhan sa sakit.(IKEN B. GULLEM)
Source: RHU SINDANGAN