Nagpahigayon og awareness lecture ang Community Affairs and Development (CAD) Unit sa Dipolog City Police Station isip kabahin sa Information, Education and Communication (IEC) Educational Awareness on Drug Prevention Program nga gisulong sa Barangay Anti-Drug Abuse Council (BADAC) sa Barangay Biasong.
Gipangulohan ni PSSg Nelson C. Gonzales, CAD PNCO, ang maong kalihokan uban sa suporta ni Punong Barangay Jose Moreno Narvaez. Gitambongan kini sa mga residente sa barangay, lakip ang kabatan-onan, Persons Who Use Drugs (PWUDs), barangay officials ug barangay workers sa Covered Court sa Barangay Biasong.
Tumong sa programa ang pagpalig-on sa kahibalo sa komunidad mahitungod sa daotang epekto sa ilegal nga droga ug pagdasig sa responsableng panginabuhi aron malikayan ang pagkalambigit sa mga iligal nga kalihokan.
Sumala sa kapulisan, ang maong inisyatiba kabahin sa padayon nga kampanya sa PNP sa pagpasiugda sa drug prevention awareness ug pagpalig-on sa kooperasyon tali sa kapulisan ug komunidad alang sa mas luwas ug malinawon nga katilingban.(JENIFFER JR. DELICA)
Source: PNP Dipolog City Police Station, ZNPPO