Nagpahigayon og information drive ang mga personahe sa 1st Zamboanga del Norte Provincial Mobile Force Company o 1st ZNPMFC pinaagi sa pagpanghatag og educational leaflets isip kabahin sa kampanya batok illegal nga droga.
Gipangulohan ang kalihokan ni PMAJ Gregorio Joel Bungulan, Officer-In-Charge, aron mapalapdan ang kahibalo sa katawhan kabahin sa daotang epekto sa ginadili nga droga ug pagpasiugda sa drug-free nga panginabuhi sa komunidad.
Gidasig usab sa mga otoridad ang mga residente nga motabang sa kampanya pinaagi sa pagreport sa mga ilegal nga kalihokan nga may kalabotan sa droga sa ilang lugar aron mapalig-on ang seguridad ug kalinaw sa komunidad.
Sumala sa 1st ZNPMFC, kabahin kini sa ilang padayon nga paningkamot sa pagpahigayon og preventive education ug pagpalig-on sa kooperasyon sa publiko alang sa mas luwas ug lig-on nga komunidad.(JENIFFER JR. DELICA)
Source: Zamboanga del Norte 1st Provincial Mobile Force Company