Dali nga mitubag ang LDRRMO Tampilisan sa usa ka aksidente sa kadalanan nga nahitabo sa boundary sa Cabong ug Tininggaan, Tampilisan, Zamboanga del Norte niadtong Pebrero 28, 2026.
Ang pasyente, 36 anyos nga residente sa Purok 2, Tubod, Tampilisan, mao ang nalambigit sa maong aksidente sumala sa inisyal nga report sa mga rumesponde.
Tungod sa insidente, nakaangkon siya og mga gasgas sa ulo ug liog, bukton ug abaga, ingon man sa mga paa ug tiil.
Gihatagan dayon siya og first aid sa lugar sa aksidente ug dayong gidala sa Liloy Hospital alang sa dugang medikal nga pagtambal.(JENIFFER JR. DELICA)
Source: LDRRMO Tampilisan