Gipahigayon sa Rural Health Unit sa Salug, inubanan sa Local Government Unit, ang usa ka Community Caravan sa Barangay Binoni, Salug, Zamboanga del Norte kagahapon, Abril 22, 2026.
Ang kalihokan naglakip sa Rice for All Program, Yakap Konsulta Caravan, ug Feeding Program nga nagtutok sa nutrisyon ug kahimsog sa mga residente. Gipangulohan kini ni Mayor Dr. Ruth Brillantes uban sa suporta sa mga health personnel sa lungsod.
Atol sa caravan, gihatagan og baratong bugas ang katawhan, libre nga serbisyong medikal, ug masustansiyang pagkaon. Tumong niini nga mapalambo ang kahimtang sa panglawas ug panginabuhi sa komunidad.
Dako usab ang partisipasyon sa Barangay Health Workers ug health staff sa Binoni, nga nagpakita sa lig-on nga paningkamot sa pagdala og accessible ug people-centered nga serbisyo ngadto sa katawhan.(JENIFFER JR. DELICA)
Source: Municipality of Salug