Nagpundok ang Local Council for the Protection of Children (LCPC), Local Committee on Anti-Trafficking and Violence Against Women and Children (LCAT-VAWC), ug Gender and Development Focal Point System (GAD FPS) alang sa ilang ikaduhang regular nga miting sa MSWDO Conference Room niadtong Hunyo 25, 2026.
Atol sa miting, gihisgutan sa mga miyembro gikan sa lokal nga kagamhanan ug nagkalain-laing partner agencies ang mga nagpadayon nga programa ug mga lakang aron mapalig-on ang pagpanalipod sa kabataan, pagpugong sa human trafficking ug kapintasan batok sa kababayen-an ug kabataan, ingon man ang pagpatuman sa gender-responsive nga mga polisiya ug programa.
Gipangulohan ang kalihokan sa Municipal Government ubos sa liderato ni Municipal Mayor Ismael A. Rengquijo Jr., pinaagi sa Municipal Social Welfare and Development Office (MSWDO).
Pinaagi sa maong panagtigom makatabang kini sa pagpalig-on sa koordinasyon sa mga ahensya ug sa paghatag og mas epektibong serbisyo alang sa kaayohan sa matag bata, babaye, ug pamilya sa lungsod.(IKEN GULLEM)
Source: MSWDO PRES. MA. ROXAS